Proxectos

Skyrocket

Sistema de eficiencia enerxética para a iluminación de túneis de estrada mediante o control electrónico punto a punto dos proxectores e adaptación dinámica en función de parámetros ambientais.

 

É un sector de aplicación moi específico, regulado por unha normativa luminotécnica estrita que resulta en elevados custes de explotación para as concesionarias das vías públicas. Os consumos son moi elevados, especialmente nas vías de alta velocidade en horario diúrno, e particularmente alto en territorios como a península Ibérica con moitas horas de sol e ceo despexado.

O sistema introduce elementos de control electrónico punto a punto dos proxectores, xunto con tecnoloxías da información e comunicacións para o seu control e telexestión. A solución complétase con sensores ambientais específicos e algoritmos para adaptar dinamicamente e con precisión o perfil lumínico resultante no túnel ao estabelecido por norma para garantir a seguranza na condución, e o correcto guiado e adaptación das condicións fisiolóxicas da vista de quen conduce.

Cun baixo investimento redúcese a factura eléctrica en valores típicos do 35%, resultando períodos de retorno moi competitivos, mesmo inferiores aos 3 anos. O sistema é igualmente válido para novas instalacións con tecnoloxía LED, sendo o aforro superior.

This is a unique website which will require a more modern browser to work!

Please upgrade today!